کچێکی تەمەن ٢٥ ساڵ کە پیشەی پارێزەرە دوای ئەوەی لە وڵاتی تورکیا گیانی لەدەستدا ئەمڕۆ چوارشەممە تەرمەکەی گەڕێندرایەوە هەرێمی کرودستان.

 به‌ڕێوه‌به‌ری سه‌نته‌ری فریاگوزاری ته‌ندروستی سلێمانی بە BMC راگەیاند: "ئەم بەیانییە ئاگادارکراینەوە بە گەڕانەوەی تەرمی كچێكی ته‌مه‌ن ٢٥ ساڵ بە ناوی(سۆما شێخ کامیل) له‌ وڵاتی توركیاوە کە دەوترێت به‌هۆی غازگیرانەوە له‌ كاتی خۆشووشتنیدا لە حەمام گیانی له‌ده‌ستداوه‌".

ئاشکراشیکرد:" له‌ئێستادا ته‌رمی ئه‌و ژنە پارێزەرە له‌ پزیشكی دادی سلێمانییه‌ و دوای رێکكاره‌ پێویسته‌كان راده‌ستی خانه‌واده‌كه‌ی ده‌كرێته‌وه‌ به‌مه‌به‌ستی به‌خاكسپاردنی".

لای خۆشیەوە بەرزان محەمەد بەڕێوەبەری پزیشکی دادی سلێمانی بە BMC راگەیاند،" لە وڵاتی تورکیا هەموو کارە یاساییەکان بۆ تەرمەکە کراوە و ڕاپۆرتی پزیشکی دادوەری ئەو وڵاتەی لەگەڵدایە، بۆیە ئەوان وەک پزیشکی دادی سلێمانی توێکاری بۆ تەرمەکە ناکەن".