ژنێکی شاری هەولێر دوای تەنها یەک مانگ لە هاوسەرگیریکردنی لەلایەن هاوسەرەکەیەوە کوژرا.
هۆگر عەزیز، وتەبێژی پۆلیسی هەولێر رایگەیاند:" ٨ی ئەم مانگە ئاگادارکراینەوە لە رووداوێکی کوشتنی ژنێکی تەمەن ٢٥ ساڵ بەناوی (دنیا ئاراس)، دانیشتووی ناحیەی بەحرکە".
روونیشیکردەوە:"دوای لێکۆڵینەوەکانمان توانیمان لەماوەی ٢٤ کاتژمێردا هاوسەرەکەی دەستگیربکەین، کە ناوی(ن،خ،ا)و تەمەنی ٣٢ ساڵە".
ئەو ژنە لە ١ی کانوونی دووەم هاوسەرگیریکردووە و لەناحیەی بەحرکە نیشتەجێبووە.