بەڕێوەبەری تەندروستی کەرکوک رایگەیاند، ماوەی هەفتەیەکە
هیچ حاڵەتێکی گیانلەدەستدان بە کۆرۆنا لە پارێزگاکە تۆمارنەکراوە.
ئەمڕۆ چوارشەممە، ١٠ی شوباتی ٢٠٢١، نەبیل
حەمدی، بەڕێوەبەری فەرمانگەی تەندروستی کەرکوک بە BMC راگەیاند:"لە رۆژی پێنجشەممەی رابردووەوە تا ئێستا هیچ حاڵەتێکی گیانلەدەستدان بە کۆرۆنا
لەکەرکوک تۆمار نەکراوە و ئامارەکانی توشبوون بە کۆرۆناش دڵخۆشکەرن".
ناوبراو راشیگەیاند:"لە ئێستادا تەنها
٣٨ توشبووی کۆرۆنا لە بنکەکانی تایبەت بە چارەسەرکردنی کۆرۆنا لەکەرکوک ماون و رۆژانە
نزیکەی ٥٠ حاڵەتی توشبوونی نوێ لە پارێزگاکە تۆمار دەکرێن".
شایەنی باسە، لە رۆژی ٢٧ی شوباتی ٢٠٢٠ یەکەمین حاڵەتی توشبوون بە کۆرۆنا لەکەرکوک تۆمارکرا.