بومەلەرزەیەک بە گوڕی ٣.١ پلەی رێختەر لە
سنوری قەزای چەمچەماڵ روویدا و هیچ زیانیکی نەبووە.
بەڕێوەبەرایەتی گشتی کەشناسی و بومەلەرزەزانی
هەرێم رایگەیاند:" کاتژمێر ١٢.٠٨ خولەکی نیوەڕۆی ئەمڕۆ شەممە، ١٣ی شوبات،
بومەلەرزەیەک بەگوڕی ٣.١ پلەی ڕێختەر لە سنوری قەزای چەمچەماڵ روویدا و هیچ
زیانێکی نەبووە".
هاوکات باسلەوەشکراوە:" بومەلەرزەکە لە
دووری ٧ کیلۆمەتر لە قەزای چەمچەماڵ و بە قوڵایی ١٠ کیلۆمەتر روویداوە".
ئەمەش لەدوای ئەوەدێت، دوێنی هەینی
بومەلەرزەیەک بەگوڕی ٤.٩ پلەو ناوچەکانی کەلار و قەسری شیرین و سەرپێل زەهاوی لە
ئیران هەژاند.