تا ئێستا زیاتر لە هەشت هەزار خاڵی شوێنەواری لە هەرێمی کوردستان
تۆمارکراوە و گرێبەستیشیان لەگەڵ تیمە بیانییەکان کراوە بۆ دۆزینەوەی شوێنەواری
زیاتر.
رامیار جەوهەر، بەڕێوەبەری راگەیاندنی
شوێنەواری هەرێم بە BMC راگەیاند:"
تا ئێستا زیاتر لە هەشت هەزار خاڵی شوێنەوار لە هەرێمی کوردستان تۆمارکراوە و لێکۆڵینەوەی تیمەکانی
بەڕێوەبەرایەتیەکەیان لەگەڵ تیمە بیانییەکان بۆ ئاشکراکردنی زیاتری
مێژووی شارستانیەت لە ناوچەکە بەردەوامە".
ناوبراو باسیلەوەشکرد:" لەکاتی دۆزینەوەی
شوێنەوارێک لێکۆڵینەوەی پێویستی بۆ دەکەن و بەڕێوەبەرایەتیەکەیان کەسی شارەزای بۆ
دیاریکردنی مێژووی شوێنەوارەکان هەیە و پێویست بە بردنە دەرەوەی پارچە مێژووییەکان
بۆ دەرەوەی هەرێم ناکات".
ئەمەش لەدوای ئەوەدێت:" ئەمڕۆ
یەکشەممە:" دوو پارچەی شوێنەواری لە قەزای کەلار دۆزرایەوە کە مێژووەکەی دەگەڕایەوە بۆ زیاتر
لە دوو هەزار ساڵ بەر لە ئێستا.