بەڕێوەبەرایەتی پۆلیسی هەولێر دەستگیرکردنی
چەند کەسێکی بەتۆمەتی سواڵکردن لە ترافیک و چوارڕیان و شوێنە گشتییەکانی دیکەی
شارەکە راگەیاند.
ئەمڕۆ دووشەممە، ١٥ی شوباتی ٢٠٢١،
بەڕێوەبەرایەتی پۆلیسی هەولێر لە هەژماری فەرمی خۆی لە فەیسبووک
بڵاویکردووەتەوە:"لە درێژەی هەڵمەتی دەستگیرکردنی سواڵکەرەکان لە ترافیكلایت، چوارڕیان، ناوبازاڕ و شوێنە گشتییەكان، ژمارەیەكی دیکەی دەروەزەکەر لەلایەن پۆلیسەوە
دەستگیران".
ئاماژە بەوەشکراوە:"دەستگیرکراوەکان پێکهاتبوون
لە پیاو و ژن و منداڵ، كە داوای ھاوکارییان لە خەڵك دەكرد و ببوونە مایەی
بێزاری بۆ هاوڵاتیان".
ئەوەشخراوەتەڕوو:"سەرجەم تۆمەتبارەکان بەبڕیاری دادوەر و بەپێی ماددەی ٣٩٠ی یاسای سزادانی عێراقی راگیران".