Alternate Text

زۆرترین بینراو

Alternate Text

بکوژی فەخری زادە ناکۆکی دەخاتە نێوان سوپاسالار و وەزیری هەواڵگری ئێران

ڕۆژهەڵاتى ناوەڕاست

پێش 1 هەفتە

Alternate Text

دەستەی سوپاسالاری ئێران لەبارەی ئاشکراکردنی ناسنامەی بکوژی موحسین فەخری زادە، زانا ئەتۆمییەکەی ئێران وەڵامی وەزیری ئاسایش و هەواڵگری وڵاتەکەی دایەوە.
ئەمڕۆ سێشەممە، ١٦ی شوباتی ٢٠٢١، دەستەی سوپاسالاری ئێران لە بەیاننامەیەکدا بڵاویکردووەتەوە:"ئەو کەسەی مەحمود عەلەوی، وەزیری ئاسایش و هەواڵگری ئێران وەک بکوژی فەخری زادە باسیلێوەکردووە، لە ساڵی ٢٠١٤ لە ریزەکانی هێزە چەکدارەکان راهێنانی دەکرد و بەهۆی کردەوەی نائەخلاقی و ئالودەبوونییەوە بە ماددە هۆشبەرەکان لە ریزەکانی هێزە چەکدارەکان دوورخرابووەوە".
ئاماژەی بەوەشکردووە:"بۆ ئەوەی بیانوو بە ئەمریکا و ئیسرائیل نەدرێت، هیواخوازبووین وەزیری هەواڵگری وردتر لێدوانی لەسەر ئەو بابەتە بدایە، بە تایبەت لە بەرنامەیەکی تەلڤزیۆنی پەخشی راستەوخۆدا".
شایەنی باسە، پێشتر مەحمود عەلەوی وەزیری ئاسایش و هەواڵگری ئێران لە دیمانەیەکی تەلڤزیۆنیدا رایگەیاندبوو:"بکوژی سەرەکی فەخری زادە پێشتر لە ریزەکانی هێزە چەکدارەکان دوورخرابووەوە و پێش جێبەجێکردنی پرۆسەکە وڵاتی جێهێشتبوو".

Copyright 2019 BMC TV. All right reserved

Designed and Developed by AVESTA GROUP