وەزیری کارەبای هەرێم رایگەیاند، لە پلانیاندایە
لەمساڵدا کاتژمێرەکانی پیدانی کارەبای نیشتیمانی بۆ ١٦ کاتژمێر لە رۆژێکدا زیاد
بکەن.
ئەمڕۆ سێشەممە، ١٦ی شوباتی ٢٠٢١، کەمال محەمەد، وەزیری
کارەبای هەرێم رایگەیاند:"لە ساڵی ٢٠١٩دا رۆژانە ١٠ کاتژمێر کارەبای نیشتیمانی بە
هاوڵاتیان دراوە، لە ٢٠٢٠یش رێژەکە بۆ ١١ کاتژمێر لە رۆژێکدا زیادیکردووە و دەمانەوێت
ئەمساڵ بیگەیەنینە ١٦ کاتژمێر".
ناوبراو راشیگەیاند:"لە ماوەی دوو ساڵی رابردوودا نزیکەی ٤٠ ملیۆن
دینار بەمەبەستی چاککردنەوەی تۆڕی کارەبای نیشتیمانی لە سنوری پارێزگای سلێمانی تەرخانکراوە".