نێردەی تایبەتی نەتەوە یەکگرتووەکان لە عێراق ئیدانەی
هێرشە مووشەکییەکەی دوێنێ شەوی هەولێر دەکات و دەڵێت"پێویستە لە پێناو
رادەستکردنی تاوانباران بە دادگا هەولێر و بەغدا هەماهەنگی زیاتر بکەن".
ئەمڕۆ سێشەممە، ١٦ی شوباتی ٢٠٢١، جنین بلاسخارت، نێردەی
تایبەتی نەتەوەیەکگرتووەکان لە عێراق رایگەیاند:"هێرشە مووشەکییەکەی دوێنێ
شەوی هەولێر مەترسییە بۆ سەر ئاسایشی ناوچەکە و پێویستە عێراق لە ناکۆکییە
دەرەکییەکان بپارێزرێت".
پێشتریش هاوپەیمانییەتی نێودەوڵەتی کە ئەمریکا
سەرۆکایەتی دەکات رایگەیاندبوو:"لەئەنجامی هێرشێکی مووشەکی بۆ سەر سەربازگەیەکی
ئەمریکا لە هەولێر، کارمەندێکی خانەنشینی سڤیل گیانیلەدەستدا و پێنجی دیکەش
برینداربوون".