ئەندامێکی پەرلەمانی کوردستان، قسەکانی
گروپی چەکداری (سرايا أبولياء الدم )ی بە ناڕاست و بە ئامانجی دروستکردنی ترس
لەناوخەڵکدا لێکدایەوە.
بالانبۆ محەمەد عەلی، ئەندامی لیژنەی ناوخۆ و ئاسایش لە پەرلەمانی
کوردستان بە BMC راگەیاند:" ئەو
قسانەی گروپی ( سرايا أولياء الدم ) لەبارەی ئەوەی گوایە ئەندامانی ئەو گروپە لە
هەولێرن ڕاستنییە و تەنها بۆ دروستکردنی ترس لە ناوخەڵکیدا ئەو قسانە دەکەن".
ئەوەشی راگەیاند:" گەر قسەکانیان راستبوایە
و ئەندامەکانیان لەهەولێر بن ئەوا پێش روودانی ئەو رووداوە هێزە ئەمنییەکان
دەستگیریان دەکردن".
ئەمەش لەدوای ئەوەدێت، گروپی چەکداری ( سرايا أولياء الدم ) بەرپرسیارێتی هێرشەکەی سەر هەرێمی کوردستانی لە ئەستۆ گرت و رایگەیاند:" ئەندامەکانیان لە شەقامەکانی هەولێر هاتوچۆ دەکەن و لە میوانخانەکانی ئەو شارە دەمێننەوە".