وەک ئامادەکارییەک بۆ ئەگەری هێرشی مووشەکی
بۆسەر باڵیۆزخانەی ئەمریکا لەبەغدا، نیوەڕۆی ئەمڕۆ باڵیۆزخانەکە سیستەمی بەرگری C-RAM تاقیکردەوە.
ئەمڕۆ چوارشەممە، ١٧ی شوباتی ٢٠٢١، کەناڵی "RT"
روسی رایگەیاند:"پاش ئەوەی نیوڕۆی ئەمڕۆ دەنگێکی بەهێزی هاوشێوەی تەقینەوە لە
باڵیۆزخانەی ئەمریکا لەبەغدا دەرچوو، دواتر دەرکەوت کە باڵیۆزخانەکە سیستەمی
بەرگری C-RAMی تاقیکردەوە".
کەناڵەکە لە زاری سەرچاوەیەکی ئەمنی ئاماژەی
بەوەکردووە:"پێشبینی دەکرێت هۆکاری تاقیکردنەوەی ئەو سیستەمە ئامادەکاری بێت
بۆ ئەگەری هەر هێرشێکی مووشەکی کە رەنگە لە رۆژانی داهاتوودا بکرێتە سەریان".
ئەوەشخراوەتەڕوو:" زیاتر لە ١٥
ئۆتۆمبێلی دەزگای دژە تیرۆری عێراقی لە نزیکی باڵیۆزخانەی ئەمریکا لە ناوچەی سەوز
جێگیرکرابوون".