ئەندامێکی پەرلەمانی کوردستان رایگەیاند، بە هۆی هەبوونی زیاتر لە ٤٠ سەربازگەی سوپای تورکیا لەسەر سنورەکان و ناوخۆی هەرێم ئەگەری روودانی کارەسات و چۆڵبوونی زیاتری ئەو ناوچانە هەیە.

ئەمڕۆ چوارشەممە ١٧ی شوبات، عەبدولناسر ئەحمەد، ئەندامی لیژنەی ئاسایش و ناوخۆ لە پەرلەمانی کوردستان بە BMC راگەیاند:" سوپای تورکیا زیاتر لە ٤٠ سەربازگەی لەسەر سنورەکان و ناوخۆی هەرێم دروستکردووە و ئەگەری روودانی مەترسی گەورە هەیە".
ناوبراو باسیلەوەشکرد:" لە ئێستادا دۆخی هەرێمی کوردستان باشنییە و ناتوانێت تەنانەت بەرگری لە خۆشی بکات و بەهۆی ترس و دڵەڕاوکێوە خەڵکی ناوچە سنوورییەکان شوێنەکانیان چۆڵدەکەن".