پاش بڵاوبوونەوەی وێنەیەکی کازم ساهر لە تۆڕە کۆمەڵاتییەکان کە تێیدا دوو منداڵی لە ئامیز گرتووە، دەرکەوت کە هەردوو منداڵەکە نەوەی ئەو هونەرمەندە خۆین.
بڵاوبوونەوەی ئەو وێنەیەی کازم لەگەڵ هەردوو نەوەکەی بە ناوەکانی " ئایە و سەنا" دەنگدانەوەی زۆری بەدوای خۆیدا هێنا، بە تایبەت کە تێیدا هەست و سۆز و خۆشەویستییەکی زۆری ئەو هونەرمەندە بۆ نەوەکانی بەدی دەکرێت.
کازم ساهر لە ساڵی ١٩٥٧ لە شاری موسل لە باکوری عێراق لەدایکبووە و یەکەم بەرهەمی هونەری لە ساڵی ١٩٨١ بە ناوی (ورد العشق) بڵاوکردەوە، پاشانیش بەهۆی دەنگە ناوازەکەیەوە گۆرانییەکانی لەسەر ئاستی وڵاتانی عەرەبی دەنگی دایەوە و بەوە ناسراوە کە زۆربەی گۆرانییەکانی لەلایەن خۆیەوە ئاوازی بۆ دانراوە.