جۆبایدن سەرۆکی
ئەمریکا، رووسیا بە هەڕەشە دادەنێت بۆ سەر دیمکراسیەت لە وڵاتانی ڕۆژئاوا و
ڕاشیگەیاند، پێویستە ئەمریکا وهاوبەشانیان لە ئاسیا و ئەوروپا خۆیان بۆ رکابەریی
چین ئامادەبکەن.
بایدن لە کۆنفرانسی
ئاسایشی میونشن کە بە شێوەی ئۆنلاین بەڕێوەچوو یەکەمین وتاری خۆی پێشکەش کرد و وتی
پوتین دەیەوێت ناتۆ لاواز بکات هەربۆیە دەبێت ڕووبەڕووی ببینەوە.
سەرۆکی ئەمریکا پشتیوانی خۆی بۆ سەرەوەری و
یەکپارچەیی خاکی ئۆکرانیە دەربڕی و لە بەشیک لە قسەکانیشیدا ڕایگەیاند کە دەبێت لە
گەڵ هاوپەیمانەکانیان خۆیان بۆ رکابەری لەگەڵ چین ئامادە بکەن و بەرگری لە بەرژەوەندییە
هاوبەشەکانیان بکەن.
دوو ڕۆژە بەبەشداری سەرۆک و وەزیر و
کۆمەڵێک شارەزای دیاری جیهانی کۆنفرانسی ئاسایشی میونشن بەشێوەی ئۆنلاین دەستیپێکردووە و قەیرانە
جیهانییەکان و بەهێزکردنی هاوپەیمانی نێوان وڵاتانی ئەمریکی و ئەروپیی و ئاسیایی
ئەجێندای کۆبوونەوەکەیە.