دوای ئەوەی ئەمڕۆ، چەند دەنگۆیەک بڵاوبووەوە کە کۆمپانیای دانا غاز بەهۆی کوژانەوەی گشتی کارەکانی وەستاوە و بەهۆیەوە کێشە بۆ بەرهەمهێنانی کارەبا دروست دەبێت، لەو بارەیەوە وەزارەتی کارەبای هەرێم روونکردنەوەیەکی بڵاوکردەوە.
ئێوارەی ئەمڕۆ شەممە ٢٠ی شوباتی ٢٠٢١، وەزارەتی کارەبای هەرێم رایگەیاند:" هاوبەشانی كارەبا ئاگادار دەكەینەوە كاتژمێر 5:00 ئەم ئێوارەیە گرفتە تەكنیكییەكەی داناغاز ئاسایی بووەوە، ئەمەش دوای ئەوەی هەردوو وەزارەتی سامانە سروشتیەكان و وەزارەتی كارەبا هاوكاری تیمەكانی كۆمپانیای داناغاز بوون و پێكەوە توانییان چارەسەری ئەو گرفتە تەكنیكیە بكەن.
وەزارەتی كارەبا روونیشیکردەوە:" راستەوخۆ هەر لەكاتی كەوتنەوەی گرفتەكەدا لەرێگەی تیمەكانی كۆنترۆڵی كارەبای هەرێم و وێستگەكان رێگایان نەدا كوژانەوەی گشتی كارەبا رووبدات".