وەزیری تەندروستی عێراق ئاشکرایکرد کە لە
هەفتەی کۆتایی ئەم مانگەدا ٣.٤ ملیۆن ژەمە ڤاکسینی کۆرۆنا دەگاتە عێراق.
ئەمڕۆ شەممە،٢٠ی شوباتی ٢٠٢١، حەسەن تەمیمی،
وەزیری تەندروستی عێراق رایگەیاند:"لە ماوەی دوو رۆژی رابردوودا ژمارەی
توشبووان بە کۆرۆنا بە شێوەیەکی بەرچاو بووەتەوە و بڕیاریشە لە کۆتاییەکانی ئەم
مانگە ٣.٤ ژەمە ڤاکسینی کۆرۆنا بگاتە عێراق و کارمەندانی تەندروستی و هێزە ئەمنییەکان
و کەسە بەتەمەنەکان لە پێشینەی ئەو کەسانەن کە ڤاکسینەکە وەردەگرن".
ئاماژەی بەوەشکرد:"بە وردی چاودێری
جێبەجێکردنی قەدەغەی هاتوچۆ دەکەین و بۆمان دەرکەوتووە کە بەشێکی زۆری هاوڵاتیان
پابەندبوونە بە بەکار‌هێنانی دەمامک".
ئەوەشیخستەڕوو:"زۆربەی ئەو دەرمانخانانە
داخراون کە نرخی دەمامکیان بەرزکردبووەوە".