دەسەڵاتی فڕۆکەوانی مەدەنی عێراق بڕیاریدا گەشتەکانی کۆمپانیای
"فلای بغداد" تاوەکو کاتێکی نادیار رابگیرێت.
دەسەڵاتی فڕۆکەوانی عێراق لەبەیاننامەیەکدا
رایگەیاند:"بەهۆی پابەندنەبوون بە رێککارە دارایی و یاساییەکانەوە، لە
رۆژی ٢٣ی شوباتەوە گەشتەکانی کۆمپانیایەی گواستنەوەی نیشتیمانی بەناوی "فلای
بغداد" تاوەکو کاتێکی نادیار رادەگیرێت".
ئاماژەی بەوەشکرد:"پاش چارەسەرکردنی ئەو
رێککارانە لەگەڵ دەسەڵاتی فڕۆکەوانی مەدەنی عێراق، گەشتەکانی ئەو کۆمپانیایە
دەستپێدەکاتەوە".
شایەنی باسە، کۆمپانیای "فلای
بغداد" لە ساڵی ٢٠١٥ لەلایەن چەند وەربەرهێنەرێکی عێراقییەوە دروستکرا و
خاوەنی دوو فڕۆکە لە جۆری "بۆینگ ٧٠٠-٧٣٧"ە و توانای هەڵگرتنی ١٤٩ سەرنشینی
هەیە، هەر وەها فڕۆکەیەکی دیکەی جۆری "بۆمباردییە سی ئاڕ جی ٢٠٠" هەیە کە دەتوانێت
٥٠ سەرنشین لەخۆبگرێت.