ئەمینداری گشتی وەزارەتی پێشمەرگە رایگەیاند،
زیادبوونی چالاکی چەکدارانی داعش هیچ پەیوەندییەکی بە بڵاوبوونەوەی زیاتری ڤایرۆسی
کۆرۆناوە نیە.
ئەمڕۆ یەکشەممە ٢١ی شوبات، جەبار یاوەر،
ئەمینداری گشتی وەزارەتی پێشمەرگە بە BMC راگەیاند:" زیادبوونی چالاکی چەکدارانی
داعش پەیوەندی بە بڵاوبوونەوەی زیاتری ڤایرۆسی کۆرۆناوە نییە".
ئەوەشی راگەیاند:" بۆشاییەکی ئەمنی زۆر
لەنێوان هێزەکانی سوپای عێراق و هێزەکانی پێشمەرگە هەیە بەشێوەیەک بەشێک لە
هاوڵاتیانی گوندە سنورییەکان بە رۆژ جوتیارن و بەشەویش دەبنە داعش".
ناوبراو باسیلەوەشکرد:" لەکۆی ٢٣٠ کردەوەی
تیرۆریستی چەکدارانی داعش لە ساڵی ٢٠٢٠دا ٨١٢ کوژراو و بریندار هەبووە، تەنها لە
مانگی کانوونی دووەمی ئەمساڵدا ١٥ کردەوەی تیرۆرستییان ئەنجامداوە کە ١٥٠ کوژراو و
برینداری لێکەوتووەتەوە".