ئەمڕۆ، وتەبێژی حکومەتی هەرێم رایگەیاند، لە رۆژی پێنجشەممە دەست بە دابەشکردنی مووچەی وەزارەتی تەندروستی دەکرێت.
ئەمڕۆ دووشەممە ٢٢ی شوباتی ٢٠٢١، جوتیار عادل، وتەبێژی حکومەتی هەرێم لە کۆنگرەیەکی رۆژنامەوانیدا رایگەیاند:" لە ٢٥ی مانگ کە دەکاتە رۆژی پێنجشەممەی ئەم هەفتەیە، دەست بە دابەشکردنی مووچەی وەزارەتی تەندروستی دەکرێت".
وتیشی:" دابەشکردنی مووچە بەپێی خشتەی مانگی رابردوو دەبێت، واتە لە یەکەم رۆژی دابەشکردنی مووچەدا، وەزارەتەکانی تەندروستی و پێشمەرگە و دارایی و ئابووری مووچە وەردەگرن".
ئەمە لە کاتێکدایە پێشتر و لە هەمان مانگدا وەزارەتی دارایی هەرێم رایگەیاندبوو،" دابەشکردنی مووچە لە ٢٥ی هەموو مانگێک دەبێت، بەڵام بەپێی داهاتی بەردەستی وەزارەت".