بە گوێرەی ئاژانسێکی ئەمریکی، هاوڵاتیانی وڵاتی بەڕیتانیا سەرپشک نیین لە هەڵبژاردنی ئەو ڤاکسینەی کە پێی دەکوترێن.
ئەمڕۆ دووشەممە ٢٢ی شوباتی ئاژانسی واشنتۆن پۆستی ئەمریکی لە هەواڵێکدا رایگەیاند:" هاوڵاتیانی بەڕیتانی ناتوانن خۆری ئەو ڤاکسینە هەڵبژێرن کە پێی دەکوترێن".
ئاژانسەکە روونیشیکردەوە، حکومەتی وڵاتەکە بەپێی خشتە و میکانیزمی تایبەت ڤاکسینەکە بەسەر هاوڵاتیاندا دابەش دەکات و ئەو جۆرە ڤاکسینەی کە لە هەر بنکەیەکی پێکوتەکردن دانراوە و تایبەتە بە هاوڵاتیانی پەیوەست بەو بنکەیە ناگۆردرێت و هاوڵاتیان ناچاران بەو جۆرە خۆیان بکوتن".
لە هەواڵەکەشدا هاتوە کە حکومەتی بەڕیتانیا دوو جۆر ڤاکسینی کریوەتەوە بۆ دابەشکردنی بەسەر هاوڵاتییەکانیدا، کە یەکێکیان ڤایزەر-بایۆنتێکی ئەڵمانییە و ئەوەی دیکە ئەسترازینکای بەڕیتانییە.