Alternate Text

زۆرترین بینراو

Alternate Text

یەکەم رۆبۆت کە مەزاجی بێت و چەند تایبەتمەندییەکی جیاوازی هەبێت

تەکنەلۆژیا

7 رۆژ پێش ئێستا

Alternate Text

بەهەماهەنگی لەنێوان دوو کۆمپانیادا، رۆبۆتێک دروستکراوە کە مەزاجی هەیە و دەتوانێت روخساری کەسەکان بناسێتەوە.

بە گوێرەی ماڵپەڕەکانی تایبەت بە بواری تەکنەلۆژیا، رۆبۆتەکە ناوی Nicobo-یە و لەلایەن کۆمپانیای پاناسۆنیک و شارەزایانی بواری رۆبۆتی ژاپۆنی دروستکراوە.

ئەم رۆبۆتە تەنها ئەوە نییە کە مەزاجی بێت، بەڵکو بە دەنگ و روخساردا کەسەکان دەناسێتەوە و بەوپێیە وەڵام دەداتەوە، هەروەها هەستەوەری هەیە و لە کاتی لە ئامێزگرتندا هەستی پێدەکات و ئارام دەبێتەوە.

ئەوەی سەیرە ئەوەیە کە دەکرێ لە هەندێ رۆژدا رۆبۆتەکە وەڵامی خاوەنەکەی نەداتەوە، ئەویش بەهۆی ئەوەی مەزاجی قسەکردنی نییە و نایەوێت قسە بکات، یاخوود دەکرێت لە هەندێ رۆژانی دیکەدا بەبێ پرسیارکردن بکەوێتە قسەکردن، ئەویش تەنها بەهۆی ئەوەی خواستی قسەکردنی هەیە و لە مەزاجێکی باشدایە.

چاوەڕوان دەکرێت لە یەکەم گوژمدا کۆمپانیاکە بڕی ٣٢٠ رۆبۆت بەرهەمبهێنێت کە ئەویش پێشبینیدەکرێت لە داواکردنی پێشوەختەدا بفرۆشرێنەوە، کە نرخی هەر یەکێکیان ٢٦٠ دۆلاری ئەمریکی دەبێت.

Copyright 2019 BMC TV. All right reserved

Designed and Developed by AVESTA GROUP