لە زۆربەی شەقامەکانی چەند شارێکی عێراق
دەستکراوە بە ئامادەکاری بۆ پێشوازی لە پاپای ڤاتیکان لە مانگی داهاتوودا.
ئەمڕۆ چوارشەممە ٢٤ی شوبات، میدیای فەرمی
عێراق رایگەیاندووە:" لە شارەکانی عێراق ئامادەکاری تەواو بۆ پێشوازیکردن لە
پاپا فرەنسیس لە ٥ی ئاداری مانگی داهاتوودا".
هاوکات باسلەوەشکراوە:" زۆربەی
شەقامەکانی عێراق بە چەندین کاری هونەری و وێنەی کێشراو لە پێشوازی پاپا فرەنسیسدا
ڕازێندراونەتەوە ".
ئەمەش لەدوای ئەوەدێت، لە ٨ی ئەم مانگەدا
پاپا رایگەیاند، مانگی داهاتوو سەردانی عێراق دەکات و لەگەڵ عەلی سیستانی رێبەری
باڵای شیعەکان کۆدەبێتەوە.