ئاڵیسۆن پیکەر، گۆڵپارێزی یانەی لیڤەرپولی ئینگلیزی و بە رەچەڵەک بەرازیلی بە بیستنی هەواڵی خنکانی باوکی لە کاتی مەلەکردنی لە یەکێک لە بەنداوەکانی نزیک لە ماڵەکەی توشی شۆک بوو.
دەزگا ئەمنییەکانی بەرازیل لە شاری لافراس دو سولرۆیترتز ئاشکرایانکرد:" دوا نیوەڕۆی دوێنی باوکی ئاڵیسۆن کە تەمەنی ٥٧ ساڵان بووە، لە کاتی مەلەکردن لە یەکێک لە بەنداوەکانی نزیک لە ماڵەکەی خۆیدا لە باشوری بەرازیل خنکا و تەرمەکەشی لەلایەن تیمە تایبەتەکانەوە لە کەناراوەکانی بەنداوەکە دۆزرایەوە".
هاوکات، دەزگا ئەمنییەکانی ئەو وڵاتە بە دووری دەزانن کە رووداوەکە تاوان بێت و سەرجەم ریککارە پێویستییەکانیشیان بۆ رادەستکردنی تەرمی ئەو کەسە بە کەسوکارەکەی ئەنجامدا.
شایەنی باسە، پیکەر لە ساڵی ٢٠١٨ روویکردە ریزەکانی لیڤەرپوول و لەگەڵ ئەو یانەدا نازناوەکانی خولی پاڵەوانییەتی تۆپی پێی ئەوروپا و خولی ئینگلیزی بەدەستهێنا.