وەزیری گواستنەوەی تورکیا نیازی وڵاتەکەی بۆ کردنەوەی دەروازەیەکی نوێی سنوری و دروستکردنی هێڵی ئاسنی لەگەڵ عێراق ئاشکراکرد.
بە گوێرەی ئاژانسی "ئەنادۆڵۆ"ی تورکی، ئەمڕۆ پێنجشەممە، ٢٥ی شوباتی ٢٠٢١، عادل قەرە ئیسماعیل ئۆغلۆ، وەزیری گواستنەوەی تورکیا لە پەرواێزی کۆبوونەوەی لەگەڵ هاوتا عێراقییەکەی رایگەیاند:" بە ئامانجی پێکهێنانی پەیوەندییەکی پتەو لەگەڵ عێراق و پێشخستنی ژێرخانی ئابووری، هەردوولا پلانمان بۆ کردنەوەی دەروازەیەکی نوێی سنوری و دروستکردنی هێڵی ئاسنی لە نێوان هەردوو وڵات هەیە".
هاوکات، ئاژانسی "ئەنادۆڵۆ" بڵاویشیکردووەتەوە:" ناسر حسێن بەندەر، وەزیری گواستنەوەی عێراق ویستی وڵاتەکەی بۆ پێکهێنانی هەمانگییەکی پتەو لەگەڵ تورکیا لە بوارەکانی گواستنەوەی ئاسمانی و زەمینی و هێڵی ئاسنی خستەڕوو، هیواشیخواست بە زوترین کات هێڵی ترانزێت لە نێوان هەردوو وڵات بکرێتەوە".