ئاسایشی سلێمانی هەواڵی دەستگیرکردنی باندێکی راگەیاند کە بڕێکی زۆر پارەیان لە دوو کاسپکاری ناوبازاڕی شاری سلێمانی دزیوە.
ئەمڕۆ هەینی، ئاسایشی سلێمانی لە راگەیەندراوێکدا بڵاویکردووەتەوە:" باندێکی دزیکردنیان دەستگیرکردووە کە لە هەشت کەس پێکهاتوون و دزیان لە دوو کاسپکاری ناو بازاڕ کردووە".
هەر لە راگەیەندراوەکەدا هاتووە:" بڕی ئەو پارانەی باندەکە دزیویانە پێکهاتوون لە ٤٧ ملیۆن دینار و ٦٠هەزار دۆلار.
لە ئێستادا لێکۆڵینەوە لەگەڵ دەستگیرکراوەکان بەردەوامە.