بەرپرسی بازگەکانی هەولێر راگەیاند،
بەمەبەستی رێگریکردن لە بەرزبوونەوەی ژمارەی توشبووانی کۆرۆنا، سەرجەم بازگەکانی
هەولێر لە کاتژمێر ٨:٠٠ ئێوارەی ئەمڕۆ تا کاتێکی نادیار بەڕووی پاسە گەشتیارییەکانی شارەکانی ناوەڕاست و باشوری عێراق دادەخرێن.
ئەمڕۆ هەینی، ٢٦ی شوباتی ٢٠٢١، سەلام
ئیبراهیم، بەرپرسی بازگەکانی هەولێر رایگەیاند:"بەهۆی ئەوەی بەردەوام رێژەی
توشبوون بە کۆرۆنا لە شارەکانی ناوەڕاست و باشوری عێراق لە بەرزبوونەوەدایە و بەشێکی زۆریان توشبووی کۆرۆنا گۆڕاون، لە
کاتژمێر ٨:٠٠ ئەمشەوە و تا کاتێکی نادیار سەرجەم بازگەکانی عێراق بەڕووی پاسە گەشتیارییەکانی پارێزگاکانی ناوەڕاست و باشوری عێراق دادەخرێن".
ئەم رێککارانەی لایەنە ئەمنییەکانی هەولێر
لە کاتێکدایە، لە دوایین کۆبوونەوەی لیژنەی باڵای رووبەڕووبوونەوەی کۆرۆنا
بڕیاردرا هاتنی گەشتیارانی ناوەڕاست و باشوری عێراق بۆ شارەکانی هەرێم سنوردار
بکرێت.
شایەنی باسە، ماوەی چەند رۆژێکە رێژەی
توشبوون بە ڤایرۆسی کۆرۆنا لە هەرێمی کوردستان و عێراق لە بەرزبوونەوەدایە و
تاوەکو ئێستا نزیکەی ١٤ توشبووی کۆرۆنای گۆڕاو لە هەولێر تۆمارکراوە.