وەزیری دەرەوەی عێراق بە مەبەستی کەمکردنەوەی ئاڵۆزییەکانی ناوچەکە و بەتایبەت گرژییەکانی نێوان ئەمریکا و ئێران سەردانی
تارانی کرد.
ئەمڕۆ شەممە ٢٧ی شوباتی ٢٠٢١، کەناڵی "RT"ی رووسی بڵاویکردووەتەوە:" ئامانجی سەرەکی سەردانی فوئاد حسێن، وەزیری دەرەوەی عێراق
بۆ تاران و کۆبوونەوەی لەگەڵ هاوتا ئێرانییەکەی کەمکردنەوەی گرژییەکانی ئەو
وڵاتەیە لەگەڵ ئەمریکا لەنێو خاکی عێراق، بە تایبەت پاش هێرشە مووشەکییەکەی سەر فڕۆکەخانەی هەولێر و دواتریش هێرشە ئاسمانییەکەی ئەمریکا بۆ سەر گروپە چەکدارییە شیعەکانی نزیک
لە ئێران لە نێو خاکی سوریا".
ئاماژە بەوەشکراوە:" داوای سەرەکی فوئاد حسێن بەکارنەهێنانی خاکی عێراق بووە وەک مەیدانی شەڕی وڵاتانی دیکە
و چارەسەرکردنی کێشەکان لە رێگەی گفتۆگۆ و بەکارنەهێنانی هێزی سەربازی".