پێنج تۆمەتبار کە
لەلایەن ئاسایشی گەرمیانەوە بەتۆمەتی بەکارهێنانی ماددەی هۆشبەر و مامەڵەکردن بە
پارەی ساختە دەستگیرکرابوون، لەلایەن سەرۆکایەتی دادگای کەرکوک / گەرمیانەوە دادگاییکران.
ئەمڕۆ یەکشەممە، ٢٨ی
شوباتی ٢٠٢١، بەڕێوەبەرایەتی ئاسایشی گەرمیان بڵاویکردووەتەوە:" لە کۆی پێنج
دەستگیرکراو لەلایەن ئاسایشی گەرمیان، سێ کەسیان بە پێی ماددەی ٢٨١ی یاسای
تایبەت بە ماددەی هۆشبەر بە یەک ساڵ زیندانیکردن و پێنج ملیۆن دینار وەک سزای
ماددی دادگاییکران".
ئاماژە
بەوەشکراوە:" یەکێکی دیکە لە دەستگیرکراوەکان بەتۆمەتی بەکارهێنانی پارەی
بیانی ساختە کە لەکاتی دەسگیرکردنیدا بڕی ١٠٤ هەزار دراوی ریاڵی سعودی ساختە پێوەگیراوە، بەپێی ماددەی ٢٨١ بە یەک ساڵ زیندانیکردن
سزادرا".
ئەوەشخراوەتەڕوو:"یەکێکی
دیکەی دەستگیرکراوانیش بە تۆمەتی مامەڵکردن بە دراوی ساختە بە سێ مانگ زیندانیکردن
و ٥٠ هەزار دینار وەک سزای ماددی دادگاییکرا".