بەپێی بڕیارەکانی وەزارەتی خوێندنی باڵا، دەبێت پڕۆسەی خوێندن ئاوێتە بێت، بەڵام زانکۆی سلێمانی پێچەوانەی بڕیارەکانی
وەزارەتی خوێندنی باڵا دەوام دەکات.
ئەمڕۆ یەکشەممە ٢٨ی شوبات،سەرچاوەیەک لەناو زانکۆی سلێمانی بە BMC راگەیاند:" لەچەند کۆلێژێکی زانکۆی سلێمانی ئەو بەشانەی
تەنها وانەی تیۆرییان هەیە رۆژانە لەناو کەمپ دەوامی ئاسایی بەبێ رێککاری
تەندروستی دەکەن".
هاوکات، سەرچاوەیەکی تایبەت لە وەزارەتی
خوێندنی باڵا بە BMC راگەیاند:" بەپێی بڕیارەکانی وەزارەت
نابێت ئەو بەشانەی وانەکانیان تیۆریین بۆ سەرجەم وانەکان بێنەوە ناوکەمپ".
هەرلەوبارەیەوە، د، رەزا حەسەن، سەرۆکی زانکۆی سلێمانی بە BMC راگەیاند:" بەپێی بڕیارەکانی وەزارەتی خوێندنی باڵا دەتوانن ئەو بەشانەی وانەکانیان تیۆریین بۆ سەرجەم وانەکان بێنەوە ناو کەمپ".