پاش رووداوی ئاگرکەوتنەوەکەی چەند رۆژی رابردووی کەمپێ هۆل لە رۆژئاوای
کوردستان، یونسێف داوا لە وڵاتان دەکات سەرجەم ئەو منداڵانە بگەڕێننەوە
وڵاتانی خۆیان کە لە پاش رووخانی خەلافەتی داعش منداڵ و خێزانەکانیان لەو کەمپە
دەستبەسەرکراون.
تید چیبان، سەرپەرشتیاری ناوچەی رۆژهەڵاتی ناوەڕاست و
باکوری ئەفریقا لە رێکخراوی "یونسێف" رایگەیاند:"پێویستە وڵاتانی
ئەندام لە رێکخراوی یونسێف هەموو هەوڵەکانیان بخەنەگەڕ بۆ گەڕانەوە منداڵانی نێو کەمپی هۆل بۆ نێو
کۆمەڵگەکانی خۆیان، بۆ ئەوەی بگەڕێندرێنەوە سەر رێچکە راستەکە".
ئاماژەی بەوەشکردووە:" لە نێو ئەو کەمپەدا چەندین
خێزانی چەکداری داعش هەن کە تاوەکو ئێستا هەڵگری بیرۆکەی توندڕەوین و زیاتر لە ٢٢ هەزار منداڵی بیانی لە ٦٠ وڵاتی
جیاواز هەن".
شایەنی باسە، رۆژی شەممەی رابردوو ئاگرێکی گەورە لە نێو
کەمپی هۆل لە رۆژئاوای کوردستان کەوتەوە، بەهۆیەوە ژنێک و سێ منداڵ
گیانیانلەدەستدا و ٣١ کەسیش برینداربوون".