جوتیار عادل، وتەبێژی حکومەتی هەرێم بڕیار و ئەنجامی کۆبوونەوەی ئەمڕۆ لیژنەی باڵای رووبەڕووبوونەوەی کۆرۆنای راگەیاند.
ئێوارەی ئەمڕۆ دووشەممە ١ی ئادار، جوتیار عادل، وتەبێژی حکومەتی هەرێم، رایگەیاند:" لە کۆبوونەوەی ئەمڕۆی لیژنەی باڵای رووبەڕوونەوەی کۆرۆنا، بڕیاردراوە ئەگەر دۆخی تەندروستی هاوشێوەی ئێستا لە ئاڵۆز بوون و ژمارەی توشبوون لە هەڵکشاندا بێت، ئەوا رێککارەکان توندەکرێنەوە ئەگەری هەیە دەوامی خوێندن دابخرێت.
وتیشی لە دامودەزگاکاندا رێککارەکانی خۆپاریزی توندەکرێنەوە و پێویستە لەسەر فەرمانبەران پابەندی رێنماییەکانبن".
ئاشکراشیکرد" بڕیارەکانی ئەم کۆبوونەوەیە تا ١٠ی ئادار جێبەجێدەکرێن و دواتر لەو بەروارەدا و لە کۆبوونەوەی داهاتوودا هەڵسەنگاندن بۆ دۆخەکە دەکرێت و رێککاری دیکە پەیڕەو دەکرێت".
لایەکی دیکەوە، جوتیار عادل راشیگەیاند:" هەموو شوێنە گشتییەکان لە ١٢ ی شەو تا ٦ ی بەیانی دادەخرێن".
ئاشکراشیکرد" هەفتانە لەنێوان هەرێم و عێرقدا سێ رۆژ قەدەغەی هاتوچۆ دەبێت و رێگەنادرێت بە هاتوچۆ لە نێوان شارەکانی ناوەڕاست و باشوری عێراق لەگەڵ هەرێم".