بەیانی ئەمڕۆ جارێکی دیکە بنکەی سەربازی عەین ئەسەد، لە پارێزگای ئەنبار بۆردومانکرایەوە.
میدیا عێراقییەکان لە زاری سەرچاوەیەکی ئەمنی پارێزگاکەوە بڵاویانکردووەتەوە:" بەیانی ئەمڕۆ چەند مووشەکێک لە جۆری کاتیۆشا، ئاراستەی بنکەی سەربازی عەین ئەسەدکراوە".
بنکەی سەربازی عەین ئەسەد، ماوەی چەندین ساڵە سەربازانی ئەمریکای تێدا جێگیربووە. هێرشەکەش تەنها بەئامانجگرتنی ئەوان بووە.