راگەیاندنی فیلمی 09 رایگەیاندوە، لە یەکەم رۆژی پەخشکردنی فیلمەکەدا زیاتر لە دوو هەزار بینەری هەبووە.
فیلمی 09 لە جۆری تاوانکاری ترسناکە و چەند گەورە ئەکتەر و دەرهێنەرێکی کورد بەشداریان تێدا کردووە، وەکو ماهیر حەسەن، ئەستێرەی بواری کۆمیدیا و تەلەڤزیۆنی کوردی کە خاوەنی چەند دەیەیەک لە خزمەتە لە بوارەکەدا.
هەروەها شوان عەتوف، ئەکتەر و نمایشکار و ئەکتەری بواری شانۆ یەکێکی دیکەیە لە ئەستێرە دیارەکانی فیلمەکەیە.
فیلمەکە لە ئاستی جیهانیدایە و پێشوازییەکی باشی لێکرا، بەشێوەیەک لە تەنها یەکەم رۆژی نمایشکردندا زیاتر لە دوو هەزار بینەری هەبووە، ئەویش تەنها لە شاری سلێمانی.