فیلمی سینەمایی " مندال"ی هونەرمەندی
جیهانی بواری نواندن " چارلی چاپلین" لەدوای تێپەڕبوونی ١٠٠ ساڵ لە
بەرهەمهێنانی دووبارە دەکەوێتەوە سەر شاشەکانی سینەما.
ئەمڕۆ یەکشەممە ٧ی ئازار، پێگەی " سکای
نیوز"ی عەرەبی رایگەیاندووە:" کۆمپانیای فیلمە فەڕەنسییەکان" M.K2"
بەهاوکاری لەگەڵ کۆمپانیای " بیس ئۆف ماجیک" بڕیاریان داوە جارێکی دیکە
فیلمی " منداڵ" لەسەر شاشەکانی سینەما پەخش بکەنەوە".
هاوکات باسلەوەشکراوە:" کۆمپانیاکان کار
بۆئەوە دەکەن فیلمەکە بەشێوەیەکی جیاواز و بەباشکردنی دیمەنەکانی ناو فیلمەکە بەبەکارهێنانی
ئامێرەکانی " K4- K2 " دووبارە پەخشبکەنەوە".
چارلی چاپلین ئەستیرەی بواری نواندن ساڵی
1889 لەلەندەن لەدایکبووە و لەساڵی ١٩٢١ فیلمی " منداڵ"ی بەرهەمهێناوە
کە ٦٨ خولەکبووە.