بەبڕیاری مستەفا کازمی و لەسەر ئەرکی حکومەتی عێراق، تەرمی د.کەمال مەزهەر دەگەڕێندرێتەوە عێراق.
مستەفا کازمی سەرۆک وەزیرانی عێراق، بەبۆنەی کۆچی دوایی مێژوونووسی کورد، مستەفا کازمی پرسەنامەیەکی بڵاوکردەوە و تێیدا هاتووە:" بە رۆشتنیی، عێراق زانستێکى دیارى لە راگەیاندن و بیر و رۆشنبیرى و مێژوودا لە دەستدا".
باسیلەوەشکرد:" میراتێکى دەوڵەمەندى لە لێکۆڵینەوە و کتێب و شیکردنەوە لەدواى خۆى جێهێشت، کە ژیانى فیکرى عێراقى دەوڵەمەندکرد".
هاوکات کازمی داوایکردووە:" حکومەت دەستبکات بە ئامادەکارییەکانی گەڕانەوەی تەرمەکەی بۆ عێراق".
دوێنێ سێشەممە ١٦ی ئازار، د.کەمال مەزهەر، بەهۆی نەخۆشییەوە لە وڵاتی ئەڵمانیا کۆچی دواییکرد.