وابڕیارە دوای پشووەکانیی نەورۆز پارەی گەنمی
جوتیارانی هەولێر و سلێمانی بۆ ساڵەکانی ٢٠١٤ و ٢٠١٥ دابەشبکرێت.
ئەمڕۆ پێنجشەممە ٢٥ی ئازار، نەوزاد شێخ
کامیل، بەڕێوەبەری گشتی بازرگانی لە وەزارەتی بازرگانی هەرێم بە BMC راگەیاند:" پێش نەورۆز پارەی گەنمی جوتیارانی دهۆک دابەشکراوە و وابڕیاریشە دوای
پشووەکانی نەورۆز پارەی گەنمی جوتیارانی هەولیر و سلێمانی بۆ ساڵەکانی ٢٠١٤ و ٢٠١٥
دابەش بکرێت".
ئەوەشی راگەیاند:" کۆی پارەی گەنمی
جوتیارانی هەرێم بۆ ساڵەکانی (٢٠١٤ و ٢٠١٥ و ٢٠١٦) بڕی ٥٧٦ ملیار و ٣٨٠ ملیۆن
دینارە و لە ئێستادا بەغداد تەنها ٢٦٨ ملیار و ٨٠ ملیۆن و ٤٩٨ هەزار دیناری
ناردووە بۆیە ناچارن تەنها پارەی سالەکانی ٢٠١٤ و ٢٠١٥ بدەنە جوتیاران".