پۆلیسی گەرمیان رایگەیاند، هاوڵاتییەک لە قەزای کەلار بەهۆی تەزوی کارەباوە لە ماڵەکەی خۆیدا گیانیلەدەستدا.
ئەمڕۆ هەینی ٢٦ی ئازاری ٢٠٢١، مقەدەم عەلی جەمال قدووری بەرپرسی راگەیاندنی پۆلیسی گەرمیان رایگەیاند:" (علی سعید میران) لەدایکبووی ١٩٦٢، پیشە پۆلیسی سنور دانیشتووی قەزای کەلار هێنرایە بەشی فریاکەوتنی شەهید هەژار کەبەهۆی تەزوی کارەباوە گیانی لەدەستدابوو".
وتیشی:" بەوتەی کەسوکاری ناوبراو لە ماڵی خۆیان دەستکاری کارەبای کردووە و لەئەنجامدا کارەبا گرتویەتی و گیانیلەدەستداوە و لە ئێستادا بەمەبەستی توێکاری تەرمەکەی رەوانەی پزیشکی دادوەری قەزای کەلار کراوە".