Alternate Text

زۆرترین بینراو

Alternate Text

لە هەندێ ناوچەی گەرمیان وشکە ساڵی راگەیەندرا

کوردستان

پێش 2 هەفتە

Alternate Text

شارەزایەکی کەشناسی رایگەیاند، لە چەند ناوچەیەکی گەرمیان وشکە ساڵی راگەیەندرا.

ئەمڕۆ هەینی ٢٦ی ئازاری ٢٠٢١، سیروان ساڵح، شارەزای کەشناسی هەرێم رایگەیاند:" لە ناوچەکانی دەشتی کەلار ڕزگاری کفری و ناوچەکانی داودە و نەوجول و دوزخورماتوو، ناوچەکانی باشووری گەرمیان، خانەقین، جەلەولا، سەعدییه، قەرەتەپە ، جەبارە ، سلێمان بەگ ، زەنگابات ، خۆرئاوای قۆرەتوو، تەواوی ناوچەکانی حەوزی ڕووباری سیروان ١٥ کیلۆمەتر خۆرهەڵات و خۆرئاوای ڕووباری سیروان تا شاخی گوڵان وشکەساڵی کشتوکاڵییە.

راشیگەیاند:" ئەم ناوچانەی باکووری گەرمیان و گردو بەرزاییەکانی ناوەڕاستی گەرمیان و بەشێک له ناوچەکانی ئەوپەڕی سنورەکانی خۆرهەڵاتی گەرمیان و تەواوی ناوچەکانی بناری چیای زەردەو سەگرمەو ناوچەکانی سەنگاو و بەرزاییەکانی سەرکەل و کوردەمیر و گامەخەڵ و سنوری تەکییەو چەمچەماڵ، ئەم دیو و ئەودیوی بناری چیای بەمۆ و خۆشک و زمناکۆ و ناوچەکانی چوارکڵاو سەرقزڵ و محمودقەجەر تا ئێستا نەگەیشتۆتە مەترسی وشکەساڵی کشتوکاڵی.

پەیوەست بە باران بارین، ئەو شارەزایەی بواری کەشناسی رایگەیاند:" پێشبینیی دەکرێت هەفتەی یەکەمی مانگی چوار وشکو کەم باران بێت بەڵام سێ هەفتەکەی تری مانگی چوار ئەگەری چەند شەپۆلێکی بارانبارین هەیە".

وتیشی:" ئەگەر هەیە وەرزی بارانبارینی ئەمساڵ لە نیوەی دووەمی مانگی پێنج کۆتایی بێت، ئەوکاتە بەراوردی ڕێژەی جیاوازی بڕی بارانی پارساڵ و ئەمساڵ دەکەین".

Copyright 2019 BMC TV. All right reserved

Designed and Developed by AVESTA GROUP