ئەمڕۆ هەریەکە لە پارێزگاری سلێمانی و بەڕێوەبەری
تەندروستی سلێمانی لێدوانی جیاواز و دژبەیەکیان لە بارەی دۆخی کۆرۆنا و
مەترسییەکانی دا.
ئەمڕۆ شەممە ٢٧ی ئازار، د. سەباح هەورمی، بەڕێوەبەری
تەندروستی سلێمانی رایگەیاند:" لە ئێستادا لە قۆناغی مەترسیداین و حکومەتی
هەرێمیش نەیتوانیوە رێکاری زانستی دژ بە ڤایرۆسەکە بگرێتە بەر".
هاوکات، هەر ئەمڕۆ هەڤاڵ ئەبوبەکر، پارێزگاری سلێمانی لە
لێدوانێکی رۆژنامەوانیدا رایگەیاند:" جێی دڵخۆشییە دۆخی کۆرۆنا لەژێر کۆنتڕۆڵدایە و لە دوو
رۆژی رابردوودا هیچ حاڵەتێکی گیان لەدەستدان بە ڤایرۆسەکە تۆمار نەکراوە".