Alternate Text

زۆرترین بینراو

Alternate Text

"بەفڕۆکە کرێکار لە سوریاوە دەهێنرێنە هەرێمی کوردستان بۆ کارکردن"

کوردستان

پێش 2 هەفتە

Alternate Text

پەرلەمانتارێکی کوردستان رایدەگەیەنێت، بەگوێرەی زانیارییەکان لە فڕۆکەخانەی هەولێرەوە، بە فڕۆکە کرێکار لە سوریاوە دەهێنرێنە هەرێمی کوردستان بە مەبەستی کارکردن.

عەبدولستار مەجید، پەرلەمانتاری کۆمەڵی دادگەری لە پەرلەمانی کوردستان بڵاویکردووەتەوە:" بەپێی هەندێک زانیاریی کە لە فڕۆکەخانەی هەولێرەوە بەدەستم گەیشتووە، بە فڕۆکە کرێکار (لە هەردوو ڕەگەز) لە سوریاوە دەهێنرێنە هەرێمی کوردستان بۆ کارکردن، ئەمە لەکاتێکدایە کە ڕێژەی بێکاریی و زۆری گەنجی بێکار و دەستی کاری ناوخۆ بەردەوام لە زیادبووندایە و هێنانی ئەو خەڵکەش بۆ کارکردن لە دەرەوەی هەرێمەوە، هێندەی دیکە ئاستی هەژاری و بێکاری زیاتر دەکات".
باسیلەوەشکردووە:"مەترسی ئەم بابەتە لەوەدایە کە ئەو کرێکارە بیانیانە بە پارەیەکی کەمی مانگانە کار دەکەن و خاوەنکاری ناوخۆش هاندەدرێن کە کرێکاری خۆماڵی ناچار بکرێن یان بە پارەیەکی زۆر کەم کار بکەن یان کارەکانیان لەدەستدەدەن".
ئەو پەرلەمانتارە باسیلەوەشکردووە:" بەم حاڵەوە کە هەندێک کۆمپانیا و ژمارەیەک بازرگان و خاوەنکار دەیکەن، ئەو کرێکارە بیانیانە جێگە بە دەستی کاری خۆماڵی لێژ دەکەن کە ئەوەش ئێجگار مەترسیدارە بەتایبەت بۆ ئێستا کە بەهۆی گەندەڵییەکی زۆر و بێ ڕەزای حکومەتەوە، چەندین ساڵە کەس دانەمەزێندراوە یان بە دزیەوە بۆ خەڵکی نزیک لە خۆیان دامەزراندن دەکەن و دەرچوانی زانکۆ و پەیمانگەکان و گەنجانیش یان دەبێت بەبێ کاری بمێننەوە یان ڕێگەی کۆچی هات و نەهات بۆ هەندەران بگرنە بەر".

Copyright 2019 BMC TV. All right reserved

Designed and Developed by AVESTA GROUP