هاتوچۆی هەولێر رایگەیاند:" پشکنینی ئەو ئۆتۆمبێلانەی بێ سەرەتان بۆ ماوەی پێنج رۆژی دیکە درێژ دەکرێتەوە.
ئەمڕۆ شەممە ١٧ی ئازاری ٢٠٢١، بەڕێوەبەرایەتی هاتوچۆی هەولێر رایگەیاند:" خاوەنی سەرجەم ئۆتۆمبێلە بێ سەرەتاکان و بێ تابلۆکان و هەڵگرانی تابلۆی ئەوروپی و مەنەفێست ئاگادار دەکەینەوە کەوا بڕیاری پشکنینی ئۆتۆمبێلەکان درێژکرایەوە بۆ ٥ ڕۆژی دیکە واتا تاوەکو ١/٤/٢٠٢١.
ئاماژە بەوەشدراوە" دەتوانن لەو ماوەیە سەردانی سەنتەری پشکنین بکەن لەبارەگای هاتووچۆی هەولێر رۆژانە لەکاتژمێر ٣ی پاش نیوەڕۆ تاکو ٦ی ئێوارە".
بەڕێوەبەرایەتی هاتوچۆی هەولێر هۆشداریشی دایە هاوڵاتیان" هەر کەسێک دوابکەوێت و سەردانی بنکەی پشکنین نەکات خۆی بەرپرسیار دەبێت لەهەر بڕیارێک کە لە داهاتوو بدرێت سەبارەت بەو ئۆتۆمبێلانە".
