وەزارەتی ناوخۆی عێراق ئاشکرایکرد، هەوڵێکی تیرۆرستی بۆ
هێرشکردنەسەر دادگای کەرکوکیان پوچەڵکردووەتەوە و یەکێک لە پلانداڕێژەرانی هێرشەکە
دەستگیراوە.
ئەمڕۆ یەکشەممە، ٢٨ی ئازاری ٢٠٢١، ئاژانسی هەواڵگری سەر
بە وەزارەتی ناوخۆی عێراق لە راگەیاندراوێکدا رایگەیاند:" ئەندامێکی رێکخراوی
تیرۆستی داعش لەلایەن مەفرەزەکانی هەواڵگرییەوە بە پێی ماددەی ٤ی تیرۆر لە یاسای
سزادانی عێراقی دەستگیرکراوە، لە کاتی لێکۆڵینەوەکان لەگەڵیدا دانی بەوەداناوە کە
ئەندامی داعشە و پلانی هێرشکردنەسەر دادگای تاوانەکانی کەرکوکیان هەبووە".
ئاماژە بەوەشکراوە:" تۆمەتبارەکە بە فەرمانی دادوەر
راگیراوە و رووبەڕووی سەرجەم رێککارە یاساییەکان دەکرێتەوە".