تەندروستی هەولێر رایگەیاند، ئەمڕۆ بەڕێوەبەری تەندروستی دەشتی هەولێر وەک یەکەم کەس ڤاکسینی ئەسترازێنیکای وەرگرت.
ئەمڕۆ دووشەممە ٢٩ی ئازار، بەڕێوەبەرایەتی گشتی تەندروستی دەشتی هەولێر رایگەیاند:" لە بنکەی تەندروستی بنەسڵاوەدا دەستکراوە بە پێدانی ڤاکسینی ئەسترازێنکای کۆرۆنا و لە سەرەتاشدا ئەحمەد قادر بەڕێوەبەری تەندروستی دەشتی هەولێر ڤاکسینەکەی وەرگرتووە".
لە راگەیاندراوەکەدا تەندروستی هەولێر داوا لە کارمەندەکانی دەکات کە بەشداری بکەن لە وەرگرتنی ڤاکسینی کۆرۆنا، هەروەها راشیگەیاند:" هاوڵاتیان و هێزە ئەمنییەکان لە سنوری بەڕێوەبەرایەتی تەندروستی دەشتی هەولێر ڤاکسینەکە وەردەگرن".