وەزارەتی دەرەوی ئەمریکا ئاشکرایکرد، لە رۆژی ٧ی نیسانی داهاتوو دەست بە گفتوگۆی ستراتیژی لەگەڵ عێراق دەکەنەوە.
بەشی کاروباری رۆژهەڵاتی ناوەڕاست لە وەزارەتی دەرەوەی ئەمریکا رایگەیاند:" رۆژی ٧ی مانگی داهاتوو لە چوارچێوەی رێککەوتنی ستراتیژی ساڵی ٢٠٠٨ی نێوان ئەمریکا و عێراق، لە رێگەی ئەنترنێتەوە دەست بە گفتۆگۆکانمان لەبارەی بابەتە سیاسییەکان و دۆسیەکانی ئاسایش، رووبەڕووبوونەوەی تیرۆر، ئابووری، وزە، هاوئاهەنگی لە بوارەکانی زانستی و رۆسنبیری دەکەینەوە".
پێشتریش جین ساکی، وتەبێژی کۆشکی سپی رایگەیاندبوو، گفتوگۆکانی نێوان هەردوو وڵات داڕشتنی پلانی راهێنان بە سوپای عێراق دەگرێتەوە، بۆ ئەوەی رێگری بکرێت لە دووبارە سەرهەڵدانەوەی داعش.