بەڕێوەبەرایەتی ئاسایشی گەرمیان ئاشکرایکرد، دوو کەس کە
لە ماوەی رابردوودا بە تۆمەتی مامەڵەکردن و بەکار‌هێنانی ماددەی هۆشبەر
دەستگیرکرابوون، لەلایەن دادگای تاوانەکانی کەرکوک – گەرمیانەوە دادگاییکران.
ئەمڕۆ چوارشەممە، ٣١ی ئازاری ٢٠٢١، بەڕێوەبەرایەتی
ئاسایشی گەرمیان لە راگەیاندراوێکدا رایگەیاند:" پاش ئەوەی دوو تۆمەتبار بە
بەکارهێنان و مامەڵەکردن بە ماددەی هۆشبەر دەستگیرکران و دۆسیەکانیان خرایە
بەردەستی دادوەری لێکۆڵینەوە، یەکێکیان بە یەک ساڵ زیندانیکردن و پێنج ملیۆن دینار
سزادرا، ئەوەی دیکەشیان بە هەشت مانگ زیندانیکردن سزادرا".
ئاماژە بەوەشکراوە:" ئەو تۆمەتبارەی بە یەک ساڵ
زیندانیکردن و پێنج ملیۆن دینار سزادرا ناوی (ع. خ. ج)یە و لەدایکبووی ١٩٧٦ و لە
نەتەوەی عەرەبە، ئەوەی دیکەشیان ناوی (م. ا. ف) و لەدایکبووی ٢٠٠٥ و دانیشتووی
ناحیەی رزگارییە و لە نەتەوەی کوردە".
ئەوەشخراوەتەڕوو:" هەردوو تۆمەتبارەکە بۆ بەسەربردنی ماوەی سزاکانیان
رەوانەی بەڕێوەبەرایەتی چاکسازی گەورانی سلێمانی کران " .