بەپێی ئاماری ٢٤ کاتژمێری رابردووی وەزارەتی تەندروستی ژمارەی توشبوان
بەکۆرۆنا بەراورد بە هەفتەی رابردوو زۆر دابەزیوە.
ئەمڕۆ شەممە ٣ی نیسان، وەزارەتی تەندروستی هەرێم لە بڵاوکراوەیەکدا ئاماژەی
بەوەکردووە:" لە ٢٤ کاتژمێری رابردوودا ٤٤٤ کەس توشی ڤایرۆسی کۆرۆنابوون و
٣٤٧ کەسیش ڤایرۆسەکەیان تێپەڕاندووە و چاکبوونەوەتەوە".
هاوکات باسلەوەشکراوە:" لەوماوەیەدا ١٤ کەس بە ڤایرۆسەکە گیانیان
لەدەستداوە و چوار هەزار و ٨٧٧ پشکنینی نوێش ئەنجامدراون".
ئەمەش لەدوای ئەوەدێت، لەهەفتەی رابردوودا ژمارەی توشبووان بە کۆرۆنا زۆر
بەرزبوویەوە و بەهۆیەوە بڕیاردرا بە داخستنی زانکۆ و پەیمانگاکان و لە پارێزگاکان
رێککاری نوێ گیرایە بەر.
