وەزارەتی دەرەوەی عێراق لەراگەیەندراوێکدا دوای هەوڵی کودەتاکەی ئەردەن رایگەیاند، پشتیوانی تەواوی شا عەبدوڵا دەکەن.
ئەمڕۆ یەکشەممە، وەزارەتی دەرەوەی عێراق لەبارەی هەوڵی کودەتاکەی شەوی رابردووی ئەردەن راگەیەندراوێکی بڵاوکردووەتەوە و تێیدا هاتووە:"عێراق پشتیوانی تەواو لە شانشینی ئەردەن دەکات، شاعەبدوڵا هەر هەنگاوێک بۆ پاراستنی وڵاتەکەی بگرێتە بەر پشتگیری دەکەین".
هەر لە راگەیەندراوەکەدا هاتووە:" ئاسایش و سەقامگیری ئەردەن بە مانای ئاسایش و سەقامگیری عێراق دێت".