دوای ئەوەی لە ماوەی رابردوودا پیر لوقمان چەند قسەیەکی لەسەر ساڵاحەدین ئەیوبی کردبوو، وەزیری ئەوقافی هەرێم رێککاری یاسایی بەرامبەر گرتەبەر.
لە نوسراوێکدا کە وێنەیەکی دەست BMC کەوتووە و واژووی سەرۆکی داواکاری گشتی لە وەزارەتی دادی لەسەرە، رێککاری یاسایی بەرامبەر پیر لوقمان کەریم گیراوەتە بەر.
داواکە لەلایەن وەزیری ئەوقافی هەرێم گیراوەتە بەر و وەزارەتی دادیش رێککارەکانی گرتووەتەبەر.
ئەمە لە کاتێکدایە لە ماوەی رابردوودا پیر لوقمان کەریم هێرشی کردبووە سەر سەڵاحەدینی ئەیوبی و ئەمەش کاردانەوەیەکی زۆری بەدوای خۆیدا هێنا.
جێی باسە لە ئێستادا پیر لوقمان لە دەرەوەی کوردستان دەژی و چەند داوایەکی یاسایی لەسەرە.