Alternate Text

زۆرترین بینراو

Alternate Text

رووداوێکی هاتوچۆ شەش قوربانی لێکەوتەوە

کوردستان

5 رۆژ پێش ئێستا

Alternate Text

پۆلیسی هاتوچۆی گەرمیان ئاشکرایکرد، بەهۆی رووداوێکی هاتوچۆ لەسەر رێگای توران لە ناحیەی رزگاری دوو ژن گیانیانلەدەستدا و چوار کەسی دیکەش برینداربوون.

ئەمڕۆ دووشەممە، ٥ی نیسانی ٢٠٢١، بەڕێوەبەرایەتی پۆلیسی هاتوچۆی گەرمیان بڵاویکردووەتەوە:" بەیانی ئەمڕۆ لەئەنجامی رووداوێکی هاتوچۆ لە نێوان دوو ئۆتۆمبێلدا لەسەر رێگەی تورانی سەر بە ناحیەی رزگاری، دوو ژن بە ناوەکانی (نەعیمە ئەحمەد) و (گەمرە حسێن) گیانیانلەدەستدا، شۆفێری هەردوو ئۆتۆمبێلەکە و دوو سەرنشینی دیکەش برینداربوون ".

ئاماژە بەوەشکراوە:" یەکێک لەو دوو ژنەی گیانیانلەدەستداوە لە نەتەوەی کورد و دانیشتووی گوندی بنە بەراز بووە، ئەوەی دیکەشیان لە نەتەوەی عەرەب و دانیشتووی مەندەلی بووە ".

ئەوەشخراوەتەڕوو:" بەمەبەستی توێکاری تەرمەکان رەوانەی پزیشکی دادوەری قەزای کەلار کراون، سەرجەم بریندارەکانیش دوای چارەسەری پێویست بەهۆی سەختی برینەکانیانەوە رەوانەی نەخۆشخانەی سلێمانی کراون ".

Copyright 2019 BMC TV. All right reserved

Designed and Developed by AVESTA GROUP