شەوی رابردوو ژووری ئۆپەراسیۆنی پارێزگای هەولێر،بۆ بەرەنگاربوونەی
ڤایرۆسی کۆرۆنا لە راگەیەندراوێکدا چەند بڕیارێکی نوێی دەرکرد و بازگەکانی بەڕووی پارێزگاکانی باشوور و ناوەڕاستی عێراقدا
داخست.
ژووری ئۆپەراسیۆنی پارێزگای هەولێر، رایگەیاند:"لە
پێناو تەندروستی شارەکەمان و هەستیاری دۆخەکە و هەڵکشان و تەشەنەکردنی شەپۆلی نوێی ڤایرۆسی کۆرۆنا و زیادبوونی
مەترسییەکان لەسەرگیانی هاوڵاتیان چەند بڕیارێکی نوێمان دەرکرد".
راشیگەیاند:"بریارمانداوە بە داخستنی سەرجەم
بازگەکانی پارێزگای هەولێر لەگەڵ پارێزگاکانی
کەرکوک و موسڵ و بە هیچ شێوەیەک رێگە بە هاوڵاتیانی پارێزگاکانی ناوەڕاست و خوارووی
عێراق نادرێت بێنە ناو شاری هەولێرەوە".
ئاماژەی بەوەشکرد:" تەنیا رێگا بەو کەسانە دەدرێت بێنە ناو شارەکەوە کە هاوڵاتی شاری
هەولێرن یاخود سەر بە ئاژانس و رێکخراوە
نێودەوڵەتییەکانن".
جەختیشیکردەوە:"
بڕیارەکە ئەو نەخۆشانەی پێویستیان بە
چارەسەر هەیە لەگەڵ بازرگانان و وەبەرهێنان ناگرێتەوە".